Cavilandu - Paseu pola Sierra "e Gata y lus sus lugaris. PArt 1: Santibañiz el Artu.

Güenu hadi tiempu ya que nu autualizu el mi blog y es pol qu"andau mu liainu nel mi labutu y alúu pos las vacancias que me las é pasau ena Sierra "e Gata, recorriendu to lus pueblinus, to lus 20. Asina qu"agora toca endilgal las retratauras hechas a tos lus lugaris que m"an petau y describil un poquinu sobri ellus.

Velequi comu nu pue sel d"otru mou las primel afotus son del cotorru, Santibañiz el Artu.

Qué puemus guipal pa Santibañiz.... pos las sus callis toas en barrera comu nu pue sel d"otru mou. Las sus casinas tipicas serranas hechas con piedra, la muralla (pola que se pue pasal pordendima con cudiau) el castillu (lu que quea craru), lus miraoris ( dendi el miraol la traición y dendi el terregal se pue guipal cuasi que to la sierra y mas allá, encrusu Calzailla), la ilesia San Pedru, la ermita "el Cristu benditu, las huentis que son unas pocas:

- La huenti las víñas, la huenti pica, la huenti lus frailis (esta tie un paseu mu puliu entri castañus y ancinas pol una calzá "e piedra), la huenti fria, la huenti el calvariu, la huenti las colmenas, la huenti la traición, la huenti las eras, la polvorosa anque nu seya una huenti sinu un manatial d"agua sulhurosa con pueris curaoris), asina que si nu quies bebel na en cualquiel de las tabelnas ya sabis a enllenal el gañoti enas huentis de agua crara y fresca, anque polas nochis andi mehol s"esta es remohandu el gañoti enas tabernas "el bahu nogal.

Casinas tipicas "e piedra, mu serranas.

Castillu

Ermita el Cristu benditu

Zahurdon to esfarfallau que pue topalsi pol caminu que sigui

Caminu la huenti lus frailis, un güen paseinu en siguiendu la calzá.

Detalli la Pila la Dorra, una "e tantas huentis

Zahurdon mu bien guardamillau entovía. Esta palus terrenus que huchean herraol o barcerberu, o pue sel que pal buhu o la horquilla... de toas maneras es terrenu (olivaris) privau asin que ... puen guipalsi abondus dendi las carreteras "e cuasi cualquiel pueblinu.